चैत ९ गौरीगञ्ज । गौरीगञ्जको भित्रि सडकमा दुइ सवारी साधन एक आपसमा ठोक्किँदा दुइजना घाइते भएका छन् । वडा नँ ६ को फकेडिप जाने सडकको आमडाँगी खण्डमा मोटरसाइकल र स्कुटी एक आपसमा ठोक्किंदा दुइ जना घाइते भएका हुन् ।
शुक्रबार बिहान करिब साढे ९ बजे तिर उत्तर तर्फ जाँदै गरेको मे ४ प २११२ नँबरको स्कुटी र बिपरित दिशा बाट आउदै गरेको मे ६ प ३०८६ नँबरको मोटरसाइकल एक आपसमा ठोक्किँदा स्कुटी चालक गौरादह ४ की प्रतिक्षा घिमिरे र मोटरसाइकल चालक गौरादह ७ का सुरज बेस्रा घाइते भएको कुरा प्रहरीले जनाएको छ । घिमिरेको अनुहारमा र बेस्राको हातमा चोट लागेको कुरा प्रहरीले जनाएको छ ।
प्रहरीले दुबै सबारीलाइ नियन्त्रणमा लिएको छ भने स्कुटी चालक घिमिरेलाइ उपचारका लागि दमक स्थित लाइफलाइन अस्पताल पठाइएको र बेस्राको गौरीगञ्ज आधारभुत अस्पतालमा उपचार भएको बताइएको छ ।
