असार ७ गौरीगञ्ज । गौरीगञ्जमा बिभिन्न कार्यक्रमहरु गरि राष्ट्रिय स्वतन्त्र पार्टीको पहिलो स्थापना दिवस मनाइएको छ । स्थापना दिवसको अबसरमा गौरीगञ्जमा रास्वपाको पार्टी कार्यालय समेत उद्घाटन गरिएको छ । गौरीगञ्ज वडा नँ ३ स्थित नहर पुर्व पेट्रोल पम्पको छेउमा पार्टी कार्यालय स्थापना गरिएको कुरा वडा नँ ३ का पार्टी सभपती निरज शर्माले बताएका छन् ।
त्यसैगरि पार्टीको स्थापना दिवसकै अबसरमा हुलाकी सडक राजमार्ग अन्तर्गतका डिभाइडरहरुमा बृक्षारोपन गरिएको कुरा पार्टी सदस्य उद्दव गौतम ले जनाएकाछन् । सडक डिभाइडरहरुमा ६० वटा धुपीका बिरुवाहरु रोपिएको जनाइएको छ । स्थापना दिवसकै अबसरमा बिहिबार साँझ गौरीगञ्ज चोकमा दिप प्रज्वलन गरि घण्टी समेत बजाइएको छ ।
