कार्तिक २ गौरीगञ्ज । झापाको गौरीगञ्ज वडा नँ ६ स्थित नयाँ अस्पताल भवनमा सञ्चालित ५ शैय्याको कोभिड १९ अस्पतालको आज औपचारिक उद्घाटन गरिएको छ । गाउँपालिका अध्यक्ष बाबुराजा श्रेष्ठ र उपाध्यक्ष दिपेन्द्र थापाले सँयुक्त रुपमा ब्यानर पढेर तथा अध्यक्ष श्रेष्ठले रिबन काटेर अस्पतालको उद्घाटन गरेका छन् ।
गत बुधबारदेखि नै सो अस्पताल सञ्चालनमा आएपनि आज मात्र सो अस्पतालको औपचारिक उद्घाटन गरिएको हो । प्राथमिक स्वास्थ्य केन्द्रका व्यवस्थापन समिति अध्यक्ष तथा वडा नँ ६ का वडाध्यक्ष बद्री नारायण यादबको अध्यक्षतामा भएको उद्घाटन कार्यक्रममा उपाध्यक्ष थापाले स्वागत मन्तब्य राखेका थिए ।
गत बुधबार धरानको कोभिड अस्पतालमा उपचार नपाएर फर्किएका गौरीगञ्ज ४ का एक कोरोना सँक्रमित पुरुष सो अस्पतालमा उपचाररत छन् । भेन्टिलेटर बाहेक प्राय सबै सुबिधा रहेको सो अस्पतालमा डा. नबिन घिमिरेले प्रमुख चिकित्सकीय सेवा दिइरहेका छन् भने उनका सहयोगका रुपमा स्टाफ नर्स द्वय एञ्जिला खड्का र बिनिता लुइटेल गरि तिन जनाको चिकित्सकीय टोलि चौबिसै घण्टा तैनाथ रहने ब्यवस्था मिलाइएको कुरा गौरीगञ्जका स्वास्थ्य शाखा प्रमुख रामचन्द्र मिश्रले जनाएको छ ।
अस्पताल नभएका प्रत्येक पालिका हरुमा एक कोभिड अस्पताल सञ्चालनमा ल्याउने सँघिय सरकारको उद्देश्य अनुरुप सँघिय सरकारको रु १० लाख बजेट बाट अस्थायि रुपमा सो अस्पताल सञ्चालनमा आएको हो ।
Loading ...
