जेठ ८, गौरीगञ्ज । झापाको गौरीगञ्ज गाउँपालिका को प्रमुख मा नेपाली काँग्रेसकी उम्मेदवार फुलवारी राजवँशी निर्वाचित भएकी छिन् भने उपप्रमुखमा एमालेकी उम्मेदवार पुजन न्यौपाने कुँवर निर्वाचित भएकी छिन् ।
प्रमुख राजवँशीले ५६८९ मत ल्याएर विजयी भएकी हुन् भने उनका निकटतम प्रतिद्वन्द्वी एमाले का बिजय अग्रवाल ले ३३३० मत पाएका छन् । त्यसैगरि उपप्रमुख न्यौपाने ले ४७५५ मत प्राप्त गरि बिजयी भएकी हुन् भने उनका निकटतम प्रतिद्वन्द्वी नेपाली कांग्रेसका मखना महतो ले ३७९५ मत प्राप्त गरेका छन् ।
गौरीगञ्जका ६ वटा वडा मध्ये यो खबर तयार पार्दासम्म वडा नँ १ को नतिजा बिबाद समाधान भएको छैन भने वडा नं २ मा माओवादी केन्द्र का किना लाल राजवंशी , वडा नँ ३ मा एमालेका श्रवण गिरी, वडा नं ४ मा एमालेकै फेका गिरी, वडा नं ५ मा एमालेकै बिजय सिंह गन्गाई र वडा नँ ६ मा नेपाली काँग्रेसका बद्रि नारायण यादव वडाध्यक्ष पदमा निर्वाचित भएका छन् ।