कात्तिक १५, गौरीगञ्ज । सशस्त्र सीमा सुरक्षा प्रहरी वल खजुरगाछी ले गौरीगञ्ज को एक घरबाट ठुलो परिमाणमा पटाका बरामद गरेको छ । वडा ४ स्थित हुक्कागाछी स्थित कारी अन्सारीको घरबाट करिब भारु तिन लाख रुपैयाँ बराबरको विष्फोटक पदार्थ पटाका र बिडी बरामद गरेको कुरा सशस्त्र प्रहरी बल खजुरगाछी ले जनाएको छ ।
अवैध रूपमा भारतबाट नेपाल ल्याई अन्सारीको घरको भण्डारण गरिएर राखिएको सुराकीको आधारमा सशस्त्र प्रहरी बलले आज बिहान छापा मार्दा ३ बिरा पटाका र १ बोरा बिडि बरामद गरेको थियो ।
बरामद गरिएको उक्त परिमाणको पटाकालाई जिल्लास्थित सशस्त्र प्रहरी बलको हेडक्वाटरमा नष्ट गरिने बताइएको छ ।
