पुस २३ गौरीगञ्ज । गौरीगञ्जको इलाका प्रसाशन कार्यालय भित्र चोरी भएको छ । शनिबार राति कार्यालयबाट क्यामरा चोरी भएको हो ।
कार्यालयको पछाडी दक्षिण तर्फको झ्यालबाट अँकुशे छिराएर राष्ट्रिय परिचयपत्र फाँटको क्यामरा चोरी भएको कुरा प्रहरीले जनाएको छ । सो कोठामा दुइवटा क्यामरा रहेकोमा परिचयपत्र फाँटको क्यामरा चोरीएको र अर्को क्यामरा चोर्ने प्रयास असफल भएको बुझिएको छ ।
राष्ट्रिय परिचयपत्र फाँटको क्यामेरा चोरी भएपछी हिजो देखि कार्यालयको राष्ट्रिय परिचयपत्र सेवा प्रभाबित बनेको छ ।
पछिल्लो समय गौरीगञ्जमा चोरी तथा धानका कुन्युहरुमा आगो लगाउने समुह सकृय रहेपनि प्रहरीले कसैलाइ पक्राउ गर्न सकेको छैन । यद्यपी यो घटनामा अनुसन्धान जारी रहेको कुरा प्रहरीले जनाएको छ ।
