मँसिर १२ गौरीगञ्ज । नेपाली काँग्रेसको १४ औ महाधिवेशन अन्तरगत को जिल्ला अधिवेशन मा जिल्ला सदस्य पदका लागि गौरीगञ्ज गाउँपालिका बाट हेमा आचार्य र दीपक गर्तौला विजयी भएका छन् ।
महिला सदस्य तर्फ हेमा आचार्यले प्रतिद्वन्द्वी सरिता शेर्पा लाई ४४६ मतको अन्तरले हराउदै जीत हासिल गरेकी हुन् । उनले १७५१ मत पाएकी छिन् भने उनका प्रतिद्वन्दी शेर्पा ले १३०५ मत पाएका छन् । आचार्य र स्थानीय तहको निर्वाचन मा वडा सदस्य पदका लागि सबै भन्दा धेरै मत पाएर वडा नँ ३ को वडा सदस्य पदमा निर्वाचित भएकी थिइन् ।
त्यसैगरी जिल्ला सदस्य खुल्ला तर्फ दिपक गर्तौला बिजयी भएका छन् । उनले प्रतिद्वन्द्वी ईन्द्रदेब राजवंशी लाई ३५७ मतको अन्तरले हराउदै जीत हासिल गरेका छन् । गर्तौला ले १७१७ मत पाएका छन् भने उनका प्रतिद्वन्दी राजवंशी ले १३६० मत प्राप्त गरेका छन्