बैशाख १६ गौरीगञ्ज । स्थानीय तहको निर्वाचन का लागि दर्ता भएको उम्मेदवारी फिर्ता लिने अन्तिम दिन शुक्रबार ३ जनाले उम्मेदवारी फिर्ता लिएका छन् । उम्मेदवारी फिर्ता लिनेमा दुई जना वडाध्यक्ष र एक जना वडा सदस्य का उम्मेदवार छन् ।
वडा नँ ३ को वडाध्यक्ष पदका लागि उम्मेदवारी दिएका स्वतन्त्र उम्मेदवार योगेन्द्र राई, वडा नं ६ को वडाध्यक्ष पदका लागि जनता समाजबादी पार्टी बाट उम्मेदवारी दर्ता गराएका कृष्ण राज शर्मा र वडा नँ २ को वडा सदस्य पदका लागि उम्मेदवारी दिएका स्वतन्त्र उम्मेदवार लेखनाथ डोटेल ले उम्मेदवारी फिर्ता लिएका छन् ।
निर्वाचन आयोगले शुक्रबार साँझ ५ बजे सम्म उम्मेदवारी फिर्ता लिने समय रोकेकोमा सो समय भित्र ३ जनाले उम्मेदवारी फिर्ता लिएपछि साँझ ५ बजे निर्वाचन अधिकृत को कार्यालय गौरीगञ्जले उम्मेदवार हरुअन्तिम नामावली प्रकाशन गरेको छ । जस अनुसार अध्यक्ष पदका उम्मेदवार ७ जना, उपाध्यक्ष पदका उम्मेदवार ८ जना, वडाध्यक्ष पदका उम्मेदवार ३८ जना खुल्ला वडा सदस्य का उम्मेदवार ६७ जना, महिला वडा सदस्य का उम्मेदवार ३४ जना र दलित महिला सदस्य का उम्मेदवार ३० जना गरि जम्मा १८५ जना उम्मेदवार हरुले गौरीगञ्जमा चुनाब मा भाग लिने छन् ।