फागुन २४, गौरीगञ्ज । अन्तर्राष्ट्रिय महिला दिवस को अवसर पारेर गौरीगञ्ज वडा नँ १ को कार्यालयले बिभिन्न क्षेत्रमा योगदान पुर्याउनु हुने वडा भित्र का दस जना उत्कृष्ट महिला हरुलाई सम्मान गरेको छ ।
वडा भित्र सञ्चालन मा रहेका पाचै वटा सामुदायिक विद्यालय हरुबाट एक एक जना शिक्षिका हरुलाई लामो समयदेखि शिक्षा क्षेत्रमा योगदान पुर्याए वापत सम्मान गरिएको छ । सम्मानित हुनेमा जनकल्याण प्राबिकी मञ्जु देबी बस्नेत श्रेष्ठ, बालकल्याण माविकी मीना काफ्ले थपलिया, रामजानकी प्राबिकी दुर्गाबती राजवँशी, पृथ्वी नारायण प्राबिकी बिमला देवी रिमाल र ईन्द्रेणी प्राबिकी डम्बर कुमारी खतिवडा रहेका छन् । त्यसैगरी बिभिन्न क्षेत्रमा योगदान पुर्याए वापत जेष्ठ अगुवा महिला हरु शुशीला चौधरी, शुशीला देवी साह, बुधनी हास्दा, पुर्णीमाया घिमिरे र कुमारी तामाङ लाई सम्मान गरिएकोछ ।
वडाध्यक्ष कार्तिक लाल राजवंशी को सभापतित्वमा वडा नँ १ को कार्यालय मा आयोजित कार्यक्रममा रेडक्रस गौरीगञ्जका सभापति कैलाश मास्के लगायत भिम कोइराला, टेकनारायण राजवँशी, सत्यनारायण राजवंशी, भिम राजवँशी, तथा वडा सदस्यहरु को उपस्थिति रहेको थियो ।
